ਅਜੇ ਤੂੰ ਤੇ ਮੈਂ ਖਿੜ੍ਹੇ ਨਹੀਂ ਹਾਂ
ਮੇਰੇ ਤੇ ਜੋ ਓਸ ਦੀ ਬੂੰਦ ਬੂੰਦ ਹੈ
ਪਿਆਰ ਸੰਗ ਛਲਕ ਛਲਕ
ਤੇਰੇ ਤੇ ਡੁੱਲ ਰਹੀ ਹੈ
ਤੇ
ਅਜੇ ਤੂੰ ਤੇ ਮੈਂ ਖਿੜ੍ਹੇ ਨਹੀਂ
ਰੰਗਾਂ ਦੇ ਵਿੱਚ ਤੂੰ ਵੀ
ਰੰਗਾਂ ਦੇ ਵਿੱਚ ਮੈਂ ਵੀ
ਡੋਡੀ ਮੈਂ, ਡੋਡੀ ਤੂੰ
ਭਰੇ ਪਏ ਪਿਆਰ ਨਾਲ ਨੱਕੋਂ ਨੱਕ
ਤੇ
ਅਜੇ ਤੂੰ ਤੇ ਮੈਂ ਖਿੜ੍ਹੇ ਨਹੀਂ
ਖਿੜ੍ਹ ਕੇ
ਤੂੰ ਵੀ ਫੁੱਲ ਹੋਵੇਂਗਾ ਤੇ ਮੈਂ ਵੀ ਫੁੱਲ ਹੋਵਾਂਗੀ
ਗੁਲਦਸਤਾ ਜਿਹਾ
ਪਿਆਰ ਦੀ ਮਹਿਕ ਦਾ ਗੁਲਿਸਤਾਨ ਹੋਵਾਂਗੇ
ਤੇ
ਅਜੇ ਤੂੰ ਤੇ ਮੈਂ ਖਿੜ੍ਹੇ ਨਹੀਂ
-ਮਨਦੀਪ
No comments:
Post a Comment