ਕਹਿੰਦੇ ਤੇਰੀ ਕਵਿਤਾ ਨੂੰ ਜਗ੍ਹਾ ਨਹੀਂ ਮਿਲੇਗੀ
ਕਿਸੇ ਵੀ ਦਰਗਾਹ ਵਿੱਚ ਪਨਾਹ ਨਹੀਂ ਮਿਲੇਗੀ
ਕੈਸੀ ਹੈ ਜੋ ਧੁੱਪ ਵਿੱਚ ਭਾਫ਼ ਬਣ ਮੁੱਕਦੀ
ਮੀਂਹਾਂ ਦੇ ਪਾਣੀਆਂ ਵਿੱਚ ਜਾ ਜਾ ਲੁੱਕਦੀ
ਦਿੱਸਦੀ ਨਹੀਂ ਜੋ
ਉਹ ਹੋ ਕਿਵੇਂ ਹੈ ਸਕਦੀ?
ਖਾਲ਼ੀ ਪੰਨਿਆਂ ਦੇ ਉਹਲੇ
ਕਿਹੜੇ ਅੱਖਰ ਸਾਂਭ ਸਾਂਭ ਰੱਖਦੀ?
ਅਮਰ ਹੈ ਕਵਿਤਾ
ਮੈਂ ਬੱਸ ਰੂਹਾਂ ਲਿੱਖਦੀ ਹਾਂ
ਅੰਦਰ ਵੱਸਦੀ ਹਾਂ
ਕਿਤਾਬਾਂ ਵਿੱਚ ਨਹੀਂ ਮੈਂ ਵਿੱਕਦੀ ਹਾਂ
ਕਹਿੰਦੇ ਤੇਰੀ ਕਵਿਤਾ ਨੂੰ ਜਗ੍ਹਾ ਨਹੀਂ ਮਿਲੇਗੀ
ਕਿਸੇ ਵੀ ਦਰਗਾਹ ਵਿੱਚ ਪਨਾਹ ਨਹੀਂ ਮਿਲੇਗੀ
ਮੇਰੀ ਕਵਿਤਾ ਦੀ ਜਗ੍ਹਾ ਮੇਰੇ ਅੰਦਰ ਹੈ
ਪਨਾਹ ਵੀ ਅੰਦਰ ਹੈ, ਤੇ ਦਰਗਾਹ ਵੀ ਅੰਦਰ ਹੈ।
-ਮਨਦੀਪ
No comments:
Post a Comment